महाराष्ट्र वीज कंत्राटी कामगार संघाचे ८ व ९ ऑक्टोबरला नागपूर येथे अधिवेशन
नागपूर : महाराष्ट्र वीज कंत्राटी कामगार संघाचे त्रैवार्षीक अधिवेशन ८ व ९ ऑक्टोबरला नागपूर येथे होणार आहे. रेशीमबाग स्मृती भवन येथे या अधिवेशनाचे आयोजन करण्यात आले आहे.
महाराष्ट्र वीज कंत्राटी कामगार संघ संलग्न ( भारतीय मजदूर संघ ) ही संघटना महावितरण , महापारेषण व महानिर्मिती या वीज कंपनीतील नियमित रिक्त पदांवर कार्यरत कंत्राटी कामगारांचे नेतृत्व करणारी अग्रगण्य संघटना असून राज्यभरात संघटनेचे १२ हजार पेक्षा जास्त सदस्य आहेत . भारतीय मजदूर संघाची राष्ट्रहित, उद्योगहित व कामगारहित ही त्रिसूत्री घेवून संघटना सर्व जिल्हांमध्ये सक्रियपणे कार्यरत आहे.
आघाडी सरकार काळात ९ वर्ष रखडलेली किमान वेतनवाढ व त्यावर २० टक्के जास्त पगार वाढ संघटनेने संघर्ष करून मिळवून दिला. ७ हजार कामगारांना रोजगारात न्यायालयीन संरक्षण मिळवून दिले व त्वरित वेतनासाठी संपर्क पोर्टल सुरू करून घेतले.
HDFC बँकेच्या सहकार्यातून ११ लाखांचा विमा मिळवून दिला. संघटनेने सतत आंदोलने, निदर्शने, चर्चा व पाठपुरावा केल्याने तत्कालीन ऊर्जामंत्री चंद्रशेखर बावनकुळे, आमदार मेधाताई कुलकर्णी, आमदार प्रकाश आबिटकर यांच्या सहकार्याने युती शासन काळात कामगार हितार्थ व सकारात्मक निर्णय घेतले होते.
कंत्राटदार बदलले तरी कामगार तेच राहतील याची तरतूद केली होती. कंत्राटदार व प्रशासनावर वचक ठेवला या मूळेच युती सरकार काळात कामगारांवर अन्याय अत्याचार कमी झाला होता ही कामगारांची भावना आहे.
संघटनेचे सर्व आर्थिक व्यवहार , सभासद नोंदणी ऑनलाईन असून स्वतंत्र मोबाईल एप व वेबसाईट आहे. कोरोना काळात जीवावर उदार होऊन या कामगारांनी सर्व वीज पुरवठा सुरळीत ठेवला, वीज सेवा देताना शेकडो कामगार जायबंदी व शहीद झाले. त्यांच्या वारसाला आर्थिक मदत व नोकरी मिळावी, कामगाराला ग्रॅज्युटी तसेच अपघात विमा आणि कुटुंबियांना मेडिक्लेम मिळाचा, कंत्राटदार विरहित व वयाच्या ६० वर्षा पर्यंत जॉब सिक्युरिटी मिळावी या साठी रानडे समितीचा अहवालाची अंमलबजावणी करावी, अथवा या कामगारांच्या साठी स्वतंत्र महामंडळ स्थापन करन न्याय द्यावा, वीज हा धोकादायक उद्योग असल्याने स्वतंत्र वेतन श्रेणी लागू करावी, ई ऐस आय योजना, लाभांमध्ये वाढ, महत्वपूर्ण ठराव या बाबतीत चर्चा होणार आहे. कामगारांच्या समोरील आव्हानात्मक परिस्थिती, उपाय योजना बाबतीत मार्गदर्शन होणार आहे.
अधिवेशनाचे उद्घाटक भारतीय मजदूर संघाचे अखिल भारतीय महामंत्री रविंद्र हिंमते तर सी.वी. राजेश क्षेत्रीय संघटन मंत्री भा.म.संघ यांची प्रमुख उपस्थिती राहणार आहे. स्वागताध्यक्ष दत्ता धामणकर, गजानन गटलेवार विदर्भ प्रदेश महामंत्री, अनिल ढुमणे, प्रदेश अध्यक्ष, के.के.हरदास, अण्णा देसाई ज्येष्ठ मार्गदर्शक, सुभाष सावजी पालक मंत्री, विठ्ठल भालेराव अध्यक्ष वीज कामगार महासंघ, अरुण पिवळ, महामंत्री वीज कामगार महासंघ , आणि दिनेश वशिष्ठ अध्यक्ष अखिल भारतीय संविदा मजदूर संघ व अन्य अनेक मान्यवर व राज्यभरातून निवडक 1200 पदाधिकारी उपस्थित राहणार आहेत . अशी सविस्तर माहिती नागपूर येथे झालेल्या पत्रकार परिषदेत देण्यात आली या वेळी भारतीय मजदूर संघ विदर्भ प्रदेश महामंत्री श्री गजानन गटलेवार , महाराष्ट्र विज कंत्राटी कामगार संघांचे अध्यक्ष निलेश खरात , सरचिटणीस सचिन मेंगाळे , संघटन मंत्री राहूल बोडके , कोषाध्यक्ष सागर पवार , सुरेश चौधरी चौधरी , नागपूर विभाग अध्यक्ष राकेश मथुरे , अभिजीति माहुलकर निलेश गदगे उपस्थित होते .
