एमएक्स प्लेयर ने कैदी आणि बंधक यांची अनोखी प्रेमकथा असलेला, आपला नवीन शो ‘तू जख्म है’ प्रसारित केला
नागपूर : उच्च समाज आणि दिल्ली गुन्हेगारी जगाच्या पार्श्वभूमीवर, एमएक्स प्लेयर ने आपल्या रोमांचक नवीन दीर्घ स्वरूपाची एक एमएक्स मालिका ‘तू जख्म है’ – प्रसारित केली. ही विलक्षण कथा विराज त्रेहान (गश्मीर महाजनी) च्या जीवनावर प्रकाश टाकते – एक हवाला राजा जो रिअल इस्टेट उद्योगाचे नाव समोर करून त्याच्या मागे आपल्या बेकायदेशीर कारवाया दडपशाही किंवा निर्दयी मार्गाने चालवत असतो.
ते म्हणतात कि विरोधी एकमेकांना आकर्षित करतात परंतु कोणीही अशी कल्पना केली नसेल कि स्वतंत्र आणि मजबूत काव्या ग्रेवाल (डोनाल बिश्त), आणि उजळ माथ्याने गुन्हेगारी करणारा राजपुत्र – विराज त्रेहान हे दोघे एकमेकांच्या मार्गात येतील आणि त्यांचे जीवन बदलेल. परिस्थिती विराजला काव्याला खास पाहुणे म्हणून बंधक ठेवण्यास प्रवृत्त करते – त्याच्या घट्ट मिठीत कैद असताना प्रेम या अन्यथा निराशाजनक परिस्थितीत फुलण्याचे रहस्यमय मार्ग शोधते.
परंतु व्यासाच्या दोन टोकांवर असलेले दोन भिन्न जग जेंव्हा एकमेकांशी भिडतात तेव्हा कल्पनेपलीकडे परिणाम होतात. विराज त्याचे वर्तमान सरळ करू शकेल आणि त्याचा भूतकाळ पुसट करू शकेल का? काव्या तिच्या भावनांवर काम करेल का आणि तिच्या हृदयात जे आहे ते स्वीकारेल का? काव्या आणि विराज यांना समान कारण मिळेल का जे त्यांना प्रेमात एकत्र राहण्याची परवानगी देईल?
त्याच्या व्यक्तिरेखेबद्दल आणि या मालिकेबद्दल बोलताना गश्मीर महाजनी म्हणाले, “माझ्या कारकिर्दीतील हा एक रोमांचक टप्पा आहे, मी टीव्हीच्या दुनियेत आणि आता ‘तू जख्म है’ या मालिके मधून ओटीटीवर वर झेपावल्याबद्दल मी स्वतःला खरोखर भाग्यवान समजतो. विराज ही भूमिका साकारताना एखाद्या भावनिक रोलरकोस्टरवर असल्याप्रमाणे मला वाटत होते, त्याला व्हाईट-कॉलर गुन्हेगार मानले जाऊ शकते, परंतु त्याच्या अनेक छटा आहेत – राग, वर्चस्व, निष्ठावंत तरीही असुरक्षित, हे मी आतापर्यंत साकारलेले सर्वात आव्हानात्मक पात्र आहे.”
दोषाबद्दल उत्कट, निर्णायक आणि सहानुभूती दाखवणारी, काव्या ग्रेवाल – एक क्लिनिकल मानसशास्त्रज्ञ हि भूमिका डोनल बिश्त यांनी केली आहे. या शोबद्दल बोलताना ती म्हणाली, “मी खूप वेगळ्या प्रकल्पाचा एक भाग होण्यासाठी खूप उत्साहित आहे – मग ती एका गडद रोमान्सची संकल्पना असेल ज्यामध्ये अनेक अनपेक्षित ट्विस्ट आणि टर्न पाहायला मिळतात किंवा हे खरे की ओटीटी प्लॅटफॉर्मवर इतक्या मोठ्या प्रेक्षकांपर्यंत पोहोचणारा हा एक दीर्घ स्वरूपाचा शो असो.”
अनिरुद्ध राजदेरकर आणि नोएल स्मिथ दिग्दर्शित या मालिकेत नेहल चुडासमा, परिणिता सेठ, जिनल जोशी, सचिन वर्मा, अपर्णा कुमार, उद्धव विज, सौरभ मान आणि अभिनव वर्मा यांच्याही प्रमुख भूमिका आहेत.
इन्स्पायर फिल्म्स प्रायव्हेट लिमिटेड (अ बियॉन्ड ड्रीम्स कंपनी) द्वारे निर्मित, एमएक्स मालिका ‘तू जख्म है’ – एमएक्स प्लेयर वर 15 ऑक्टोबर 2022 पासून प्रसारित होत आहे.
