अल्ट्राव्हायोलेटच्या भारतातील 40 व्या ‘एक्सपिरियन्स सेंटर’चे माननीय केंद्रीय मंत्री श्री. नितीन गडकरी यांच्या हस्ते महाराष्ट्रातील नागपूर येथे उद्घाटन
नागपूरमध्ये नव्याने सुरू करण्यात आलेल्या यूव्ही स्पेस स्टेशनद्वारे आता X-47 Crossover आणि F77s या गाड्या विक्रीसाठी उपलब्ध आहेत.
नागपूरमध्ये यूव्ही स्पेस स्टेशन सुरू झाल्यामुळे अल्ट्राव्हायोलेटचा राष्ट्रीय स्तरावर चांगलाच विस्तार झाला आहे. यामुळे देशभरातील 35शहरांमध्ये कंपनीची पकड आणखी मजबूत झाली आहे.
ग्राहकांसाठी सुलभता: ग्राहकांच्या सर्व गरजांची पूर्तता करून, वाहनप्रेमींना ब्रँडचा एक परिपूर्ण आणि सखोल अनुभव घेण्याची संधी उपलब्ध करून दिली जाते.
वैयक्तिकृत टेस्ट राईड्स आणि सेवा: या अनुभव केंद्रात ग्राहकांच्या गरजेनुसार तयार केलेल्या टेस्ट राईडच्या संधी, सेवेबाबत विशेष सहाय्य आणि मूळ सुटे भाग मिळण्याची सुविधा आहे.
नागपूर – नागपूर येथे एका नवीन यूव्ही स्पेस स्टेशनच्या उद्घाटनाची घोषणा अल्ट्राव्हायोलेट ऑटोमोटिव्हने आज केली. भारतातील मोबिलिटी मार्केटमध्ये आपले विक्री आणि सेवा जाळे विस्तारण्याच्या दिशेने हे एक महत्त्वपूर्ण पाऊल आहे. या यूव्ही स्पेस स्टेशनचे उद्घाटन माननीय श्री. नितीन गडकरीजी, केंद्रीय रस्ते वाहतूक आणि महामार्ग मंत्री, यांच्या हस्ते करण्यात आले.
जगासाठी संपूर्ण भारतीय बनावटीची (मेक इन इंडिया) आणि भारतात रचना केल्याचा (डिझाइन इन इंडिया) अल्ट्राव्हायोलेटला सार्थ अभिमान आहे; आणि हीच भावना त्यांच्या अत्याधुनिक इलेक्ट्रिक उत्पादनांच्या श्रेणीमध्ये (पोर्टफोलिओमध्ये) दिसून येते. ज्याची संपूर्ण रचना आणि अभियांत्रिकी भारतातच करण्यात आली आहे. आपल्या निरंतर वचनबद्धतेचा एक भाग म्हणून, कंपनीने उत्पादन विकास आणि तंत्रज्ञान क्षेत्रात अनेक महत्त्वपूर्ण टप्पे गाठले आहेत.
यामध्ये X-47 Crossover – या विभागातील जगातील पहिली रडार समाविष्ट मोटरसायकल- यूव्ही क्रॉसफेड कार्बन-फायबर हेल्मेट आणि नुकत्याच जाहीर करण्यात आलेल्या ‘Battery Flex’ (BaaS) प्लॅटफॉर्मच्या उद्घाटनाचा समावेश आहे.
कामगिरीवर आधारित एक सर्वसमावेशक इलेक्ट्रिक मोबिलिटी परिसंस्था उभारण्यावर असलेला अल्ट्राव्हायोलेटचा भर या यशामुळे अधोरेखित होतो. या नवीन केंद्रामुळे, आपल्या उच्च-कार्यक्षमता असलेल्या इलेक्ट्रिक मोटरसायकल पर्यंत पोहोचणे कंपनीच्या ग्राहकांना सोपे केले आहे तसेच राष्ट्रीय स्तरावरील आपली वाढती उपस्थिती अधिक बळकट केली आहे.
या शुभारंभाबाबत भाष्य करताना, अल्ट्राव्हायोलेटचे सीईओ आणि सह-संस्थापक नारायण सुब्रमण्यम म्हणाले, “नागपूर हे दीर्घकाळापासून नवोन्मेष आणि पुरोगामी विचारांचे केंद्र म्हणून ओळखले जाते, आणि आज आम्ही येथे अल्ट्राव्हायोलेट स्पेस स्टेशनचे उद्घाटन करत आहोत, हा एक निर्णायक क्षण आहे. इलेक्ट्रिक मोबिलिटी आणि ‘मेक इन इंडिया’ संकल्पनेचे खंदे समर्थक श्री. नितीन गडकरीजी यांच्या उपस्थितीत झालेला हा महत्त्वाचा टप्पा, भारतातील दुचाकी ईव्ही उद्योगाच्या जलद वाढीवर प्रकाश टाकतो.
आम्ही जी गती अनुभवतो आहोत, ती केवळ स्वीकृतीची नाही, तर आकांक्षांबद्दल आहे – ही एक नवीन पिढी आहे, जी अनोखे डिझाइन, कसलीही तडजोड न करता उत्कृष्ट कामगिरी, भविष्यवेधी तंत्रज्ञान आणि टिकाऊपणाची मागणी करते. या विस्तारासह, अल्ट्राव्हायोलेट एक भविष्य-सज्ज परिसंस्था तयार करण्यासाठी वचनबद्ध आहे, जिथे विक्री, सेवा आणि मालकीच्या अखंड प्रवासाद्वारे ग्राहक आमच्या अभियांत्रिकी-आधारित मोबिलिटी सोल्यूशन्सचा अनुभव घेतील.”
क्वांटम सर्ज मोटर्स एलएलपी या वितरका सोबतच्या भागीदारीने नव्याने उभारलेले UV स्पेस स्टेशन ग्राहकांना ‘अल्ट्राव्हायोलेट’च्या X-47 क्रॉसओवर’ आणि ‘F77s’— या मोटरसायकल प्रत्यक्ष अनुभवण्याची एक सर्वसमावेशक संधी उपलब्ध करून देईल. हे UV स्पेस स्टेशन ही एक ‘3S’ सुविधा असून, ग्राहकांना एक सर्वसमावेशक आणि वेडं करणारा अनुभव देण्यासाठीच याची रचना करण्यात आली आहे.
टेस्ट राइडचा अनुभव, विक्री, सेवा आणि दुचाकींच्या विविध ॲक्सेसरीज—हे सर्व काही येथे एकाच छताखाली उपलब्ध असेल. या एक्सपिरियन्स सेंटरमध्ये कंपनीच्या ‘X-47’ आणि ‘F77s’ या उत्तम कामगिरी असलेल्या दुचाकी ठेवल्या जातील. पॉवरट्रेन 40.2 अश्वशक्ती (hp) आणि 100 Nm टॉर्कची ताकद लाभलेली ही उत्पादने म्हणजे इलेक्ट्रिक कार्यक्षमतेची एक नवी व्याख्याच आहेत. ज्यामुळे या दुचाकी केवळ 2.8 सेकंदांत 0 ते 60 किमी प्रति तास इतका वेग गाठतात. 10.3 kWh क्षमतेच्या बॅटरीने सुसज्ज असलेल्या या दुचाकी, एकाच चार्जवर 323 किमीची आयडीसी रेंज देतात.
सखोल अभियांत्रिकी आणि प्लॅटफॉर्म-आधारित नावीन्यपूर्णतेवर आधारित, अल्ट्राव्हायोलेटची एक्स-४७ क्रॉसओव्हर ही तिच्या सेगमेंटमधील जगातील पहिली इलेक्ट्रिक मोटरसायकल आहे, जी रडार हे वैशिष्ट्य देते. यामुळे परफॉर्मन्स इलेक्ट्रिक मोटरसायकलची रचना आणि अनुभव घेण्याच्या पद्धतीत एक निर्णायक आणि लक्षणीय बदल घडला आहे. या मोटरसायकलमध्ये 5-इंचाच्या टीएफटी डिस्प्लेसह रायडर-केंद्रित इंटरफेस, तीन वेगवेगळे राइड मोड्स, लाँग-ट्रॅव्हल सस्पेंशन आणि या क्षेत्रातील पहिलेच रेडियल ऑल-टेरेन टायर्स आहेत, जे विविध प्रकारच्या रायडिंग परिस्थितींमध्ये आत्मविश्वास, स्थिरता आणि नियंत्रण देतात.
अल्ट्राव्हायोलेटच्या यूव्ही रडार इंटेलिजन्सद्वारे प्रगत सुरक्षा आणि बुद्धिमत्ता दिली जाते, जी 77 GHz रिअर रडार आणि यूव्ही हायपरसेन्स ॲडव्हान्स्ड रायडर असिस्टन्स सिस्टीमद्वारे समर्थित आहे. ही सिस्टीम ब्लाइंड-स्पॉट मॉनिटरिंग, लेन चेंज असिस्ट, ओव्हरटेक अलर्ट्स आणि रिअर कोलिजन वॉर्निंग्स यासारख्या जबाबदाऱ्या पार पडते. जगातील सर्वात जास्त पॉवर-डेन्स असलेला एअर-कूल्ड ऑनबोर्ड चार्जर देखील X-47 मध्ये समाविष्ट आहे, जो अल्ट्राव्हायोलेटने विकसित आणि डिझाइन केला आहे, सोबतच एक इंटिग्रेटेड डॅशकॅम सिस्टीम देखील आहे. या इंजिनिअरिंग-आधारित दृष्टिकोनाला ऑटोमोटिव्ह उद्योगात मान्यता मिळाली आहे, ज्यात ‘EV मोटरसायकल ऑफ द इयर’ सारख्या प्रमुख ऑटोमोटिव्ह पुरस्कारांचा समावेश आहे. भारतातून जागतिक स्तरावर स्पर्धात्मक इलेक्ट्रिक मोबिलिटी सोल्यूशन्स तयार करण्याच्या अल्ट्राव्हायोलेटच्या महत्त्वाकांक्षेला बळकटी देते.
अल्ट्राव्हायोलेटचे सीटीओ आणि सह-संस्थापक नीरज राजमोहन पुढे म्हणाले, “भारताच्या जागतिक नवोन्मेष केंद्र बनण्याच्या परिवर्तनशील प्रवासाच्या केंद्रस्थानी तंत्रज्ञान आहे आणि नागपूरमधील अल्ट्राव्हायोलेट स्पेस स्टेशनची सुरुवात हा त्याच प्रवासाचा पुरावा आहे. अनेक वर्षांचे कठोर संशोधन आणि विकास आणि आमच्या टीमच्या कौशल्याच्या जोरावर, आम्ही अशी प्रगत गतिशीलता उपाययोजना (मोबिलिटी सोल्युशन्स) तयार करत आहोत, जी कार्यक्षमता, शाश्वतता आणि अभियांत्रिकी उत्कृष्टता यांना अखंडपणे एकत्रित करते. बदल घडवून आणण्यासाठी, दैनंदिन गतिशीलतेची पुनर्व्याख्या करण्यासाठी आणि देशाला शाश्वत नवोन्मेषामध्ये आघाडीवर स्थान देण्यासाठी भारताची तांत्रिक शक्ती मजबूत करण्याचा आम्हाला अभिमान आहे. आम्ही तंत्रज्ञान आणि शाश्वततेमध्ये भारताचे नेतृत्व निर्माण करण्यासाठी कटिबद्ध आहोत.”
कंपनीने अलीकडेच ‘बॅटरी फ्लेक्स’ (BaaS) हे एक लवचिक मालकी मॉडेल सादर केले आहे. हे मॉडेल परफॉर्मन्स इलेक्ट्रिक मोटरसायकलसाठी प्रवेशातील अडथळे कमी करण्यासाठी आणि ग्राहकांना बॅटरीचा वापर तसेच मालकीमध्ये अधिक लवचिकता देण्यासाठी तयार करण्यात आले आहे. या नवीन उपक्रमामुळे, ग्राहक आता अल्ट्राव्हायोलेट एक्स-47 फक्त ₹1,46,000 पासून खरेदी करू शकतात, आणि बॅटरीसाठी दरमहा फक्त ₹2466 पासून सबस्क्राइब करू शकतात. या मॉडेलमुळे ग्राहकांना बाईकच्या चेसिससाठी पैसे देता येतात, तर बॅटरीसाठी एका स्थिर मासिक सबस्क्रिप्शन शुल्काअंतर्गत स्वतंत्रपणे वित्तपुरवठा करता येतो. हा उपक्रम भारतात ईव्हीचा अवलंब वाढवण्यासाठी अल्ट्राव्हायोलेटच्या इकोसिस्टम-आधारित दृष्टिकोनाला अधिक बळकटी देतो.
नागपूर येथील UV स्पेस स्टेशनचा पत्ता: 01 A, शांती निकेतन कॉलनी, प्रताप नगर, नागपूर – 440025
