अखिल भारतीय पेपर ट्रेडर्स परिषद 17 सप्टेंबरपासून नागपुरात
केंद्रीय मंत्री नितीन गडकरी करणार उद्घाटन
असीम बोर्डिया एफपीटीएचे नवे अध्यक्ष म्हणून पदभार स्वीकारणार
नागपूर : पेपर ट्रेडर्स असोसिएशन , नागपूर तर्फे 17 ते 19 सप्टेंबर या कालावधीत 61 वी ऑल इंडिया पेपर ट्रेडर्स कॉन्फरन्स अर्थात अखिल भारतीय पेपर ट्रेडर्स परिषद , फेडरेशन ऑफ पेपर ट्रेडर्स असोसिएशन आयोजित करण्यात आली आहे . परिषदेचे उद्घाटन केंद्रीय रस्ते वाहतूक आणि महामार्ग मंत्री नितीन गडकरी यांच्या हस्ते 17 सप्टेंबर रोजी सायंकाळी 4.30 वाजता हॉटेल रेडिसन ब्लू वर्धा रोड येथे होणार आहे .
सेंच्युरी पल्प आणि पेपरचे सीईओ विजय कौल यांचे बीज भाषण होईल . ए.एस. मेहता , अध्यक्ष आणि संचालक , जे.के. पेपर लिमिटेड आणि वदिराज कुलकर्णी , विभागीय मुख्य कार्यकारी , आयटीसी हे सन्माननीय अतिथी यावेळी उपस्थित असतील तर एफपीटीएचे अध्यक्ष दीपक मित्तल समारंभाच्या अध्यक्षस्थानी असतील . असीम बोर्डिया हे वर्ष 2022-23 साठीचे एफपीटीएचे नामनिर्देशित अध्यक्ष आहेत . एजीएम आणि कॉन्फरन्स दरम्यान , बोर्डिया यांना एफपीटीएचे नवे अध्यक्ष म्हणून पदभार स्वीकारतील .
या राष्ट्रीय परिषदेत देशभरातील पेपर उद्योगातील मान्यवर आणि आघाडीचे ब्रँड सहभागी होत आहेत . या तीन दिवसीय कार्यक्रमात व्यापार आणि उद्योग क्षेत्रातील 600 हून अधिक प्रतिनिधी सामील होणार आहेत . परिषदेत कागद उद्योगाची सद्यस्थिती , आव्हाने आणि संधी यावर सादरीकरणे होणार असून नजीकच्या भविष्यात या उद्योगात संभाव्य व्याप्तीवर चर्चा करण्यासाठी विविध क्षेत्रांतील प्रतिनिर्धीद्वारे तपशीलवार चर्चा केली जाईल . पेपर ट्रेडर्स असोसिएशन नागपूरने वर्ष 2000 च्या सुरुवातीला नागपुरात राष्ट्रीय परिषद आयोजित केली होती त्यावेळी नागपूरचे महेश खंडेलवाल हे राष्ट्रीय अध्यक्ष होते . दरम्यान , आशिष खंडेलवाल , अध्यक्ष , पीटीए , नागपूर ; हर्षित भन्साळी , सचिव , पीटीए , नागपूर ; स्वागत समितीचे अध्यक्ष विजय खंडेलवाल आणि आयोजन समितीचे अध्यक्ष असीम बोर्डिया , उपाध्यक्ष ललित सूद , कोषाध्यक्ष संदीप अग्रवाल , सह – सचिव किशोर कुशलानी आणि सर्व पीटीए सदस्य हा कार्यक्रम यशस्वी करण्यासाठी सर्वोतोपरी प्रयत्न करत आहेत .
एफपीटीए बद्दल : एफपीटीए ही ६३ वर्षापासून कार्यरत देशभरातील 35 घटक सदस्य संघटनांची एक संस्था आहे . ही देशातील पेपर ट्रेडर्सची पालक आणि सर्वोच्च संस्था आहे ज्यामध्ये सुमारे 1050 व्यापारी हे थेट सदस्य आहेत . यात देशभरात सुमारे 8000 पेपर व्यापारी आहेत जे एफपीटीएचे सदस्य आहेत . एफपीटीए मोठ्या प्रमाणावर कागदाच्या वापरास प्रोत्साहन देते . कागदाच्या वापरामुळे निसर्गातले हिरवे आच्छादन कमी होते , कागद निसर्गासाठी वाईट आहे , झाडे तोडून कागद तयार केला जातो आणि इतर अनेक गैरसमज दूर करण्यासाठी एफपीटीए प्रयत्नशील आहे .
कागद इतरही स्त्रोतांपासून बनविला जातो जसे की निरुपयोगी पेपरचा पुनर्वापर , शेतीतील कचरा आणि अगदी दगडांपासून सुद्धा पेपर निर्मिती केली जाते . इतर वस्तूंच्या तुलनेत कागद ही दैनंदिन वापरासाठी सर्वात टिकाऊ वस्तू आहे आणि त्याचा पुनर्वापर करता येतो याबबात देखील एफपीटीए जनजागृती करीत आहे .
○
