महालक्ष्मी अनसूया मातेचा १० जानेवारीला ब्रह्मलीन दिवस
विविध धार्मिक सोहळ्याचे आयोजन
नागपूर : पारडसिंगा येथील विश्वमोहिनी अनसूया माता यांचा मंगळवार १० जानेवारी रोजी २५ वा ब्रह्मलीन दिवस आहे. या दिनानिमित्त अनसूया माता मंदिर शांती विद्या भवन डिगडोह प्रांगणात विविध धार्मिक कार्यक्रमाचे आयोजन करण्यात आले आहे. अशी माहिती दिलीप पनकुले यांनी एका प्रसिद्धी पत्रकाद्वारे दिली आहे.
सकाळी ७.३० ते ९ वाजेपर्यंत मातेचे मंगलस्नान आचार्य विवेक त्रिपाठी व रामजी त्रिपाठीसह पूजा, अर्चना, होम, हवन कार्यक्रम होईल. सकाळी ९.३० वाजता दिंडी सोहळा डिगडोह (देवी) येथे प्रदक्षिणा जगदीश बँड पार्टी देविदास अडांगळे यांच्या मंगलधून सहीत काढण्यात येईल. सकाळी १० वाजता महाप्रसाद वितरण करण्यात येईल.
दुपारी ११.३० वाजता छप्पनभोग व नैवेद्य चढविण्यात येईल. दुपारी १ ते ३ वाजेपर्यंत वेदाचार्य आचार्य विवेक त्रिपाठी व रामजी त्रिपाठी यांचे धार्मिक कार्यक्रम आयोजित करण्यात आले आहे. दुपारी ४ ते ६ वाजेपर्यंत जय दुर्गा भजन मंडळ, डिगडोह व ६ ते ७.३० मा. दत्ता गणोरकर अनसूया भजन मंडळ यांचा भजनाचा कार्यक्रम ठेवण्यात आला आहे. सायंकाळी ७.३० वाजता महाआरती, गोपाल कला व महाप्रसाद वितरण करण्यात येईल.
या कार्यक्रमाला माजी गृहमंत्री आमदार अनिल देशमुख, माजी मंत्री रमेश बंग, माजी केंद्रीय मंत्री सुबोध मोहिते, गिरीश चंद्रशेखर वऱ्हाडपांडे, माजी आमदार दीनानाथ पडोळे, प्रदेश उपाध्यक्ष अनिल अहिरकर, बजरंगसिंह परिहार, राजाभाऊ चिटणीस, प्रभाकरराव देशमुख, सरपंच इन्द्रायणी काळबांडे, उपसरपंच कैलासजी गिरी, हर्षलता गौतम मेश्राम, मंगलाताई रडके, जि. प. सदस्या रश्मी कोटगुले, श्री. सुभाष वऱ्हाडे, डॉ. रमेश पाटील, गणेश धानोरकर उपस्थित राहणार आहेत.
कार्यक्रम यशस्वी करण्यासाठी प्राची प्रवीण ढोले, वैशाली रोहित उपाध्ये, अनुराधा अनंत खोकले, सुचिता बाराहाते, पी. एस. चौबे, सोपानराव शिरसाट, वसंतराव घटाटे, राजेंद्र आसलकर, तात्यासाहेब मते, प्रा. एस. के. सिंह, राहुल पांडे, विजय कोटगुले, अभिजित शेंडे, नितीन रडके, योगेश मोहुर्ले, दीपक रडके, फैजल शेख, भीम तिवारी, अंकित कोल्हे, अनिता फ्रांसीस, ममता ढोरे, अनिल यावलकर, अजय धोटे, संजय शेवाळे, सौ. श्रृती सुधीर मुलमुले, सरदार रवींद्र मुल्ला, प्रमोद वानकर, बबलू चौहान, देविदास अडांगळे, गजानन मुळे आदि भक्तगण, सर्व शिक्षक व शिक्षकेतर कर्मचारी परिश्रम घेत आहेत.
